राज्यपाल भगतसिंह कोश्यारी यांच्या हस्ते मातंग समाजमित्र पुरस्कार , मातंग समाजरत्न पुरस्कार व विशेष सन्मान राजभवनात प्रदान करण्यात येणार

 पुणे, ४ ऑक्टोबर २०२२: आपल्या कार्याद्वारे विविध क्षेत्रांमध्ये उल्लेखनीय सेवा देणाऱ्या व्यक्तींना मुंबईतील राजभवन, दरबार हॉल येथे महाराष्ट्र राज्याचे राज्यपाल भगतसिंग कोश्श्यारी यांच्या शुभ हस्ते मातंग साहित्य परिषदेच्या वतीने मातंग समाजमित्र पुरस्कार ,मातंग समाजरत्न पुरस्कार व विशेष सन्मान हे गुरुवार,दि.६/१०/२०२२ रोजी दुपारी ४ वाजता समारंभपूर्वक प्रदान करण्यात येणार आहेत.या समारंभास राज्यपालांसह संत तुकाराममहाराज यांचे वंशज ह.भ. प.शिवाजीमहाराज मोरे व डॉ. रमेश पांडव हे प्रमुख पाहुणे म्हणून उपस्थित राहणार आहेत .

ह्या प्रसंगी ह.भ.प.डॉ.भगवानबाबा आनंदगडक(जालना) व कर्मवीर दादा इदाते( अध्यक्ष,केंद्रीय भटके विमुक्त आयोग,दिल्ली) यांना मातंग समाजमित्र पुरस्कार,तर नागपूर येथील ज्येष्ठ साहित्यिक चंद्रकांत वानखेडे यांना मातंग समाजरत्न पुरस्कार देण्यात येणार आहे .तसेच विशेष क्षेत्रांमधील कार्याबद्दल प्रा.ईश्वर नंदपुरे (अध्यक्ष , समरसता साहित्य परिषद),डॉ संजय देशपांडे (रशियात अण्णा भाऊ साठे यांचा पुतळा बसवण्यात महत्त्वपूर्ण योगदान),प्राचार्य डॉ. अरुण आंधळे (शिक्षण), राजन लाखे (साहित्य व साहित्यिक चळवळ),डॉ. अशोक कांबळे,नागपूर(बँड कलाकारांच्या जीवनावर पीएच.डी.), सुनील वारे (आय.आर.एस.) (रशियात अण्णा भाऊ साठे यांचा पुतळा बसवण्यात महत्त्वपूर्ण योगदान प्रातिनिधिक सन्मान),,आदित्य सुभाष केळकर(उद्योग ) ह्यांचा विशेष सन्मान करण्यात येणार आहे. शाहीर नंदेश उमप (ठाणे), गायिका वैशाली माडे (मुंबई), शाहीर बापू पवार,गायिका राधा खुडे,शाहीर सुनील साठे (मुंबई) ,लोकगायक संजय ठोसर(नागपुर),
लोकगायक.बाळू शिंदे(पुणे) , बालशाहीर आविष्कार एडके(अंबाजोगाई) ,शाहीर आसाराम कसबे (पिंपरी चिंचवड) या लोककलावंतांचाही विशेष सन्मान या प्रसंगी करण्यात येणार आहे.

सदर समारंभास मा.निलेशजी गद्रे,मा.हेमंत हरहरे आमदार सुनील कांबळे ,आमदार नामदेव ससाणे,भाजप प्रदेश सचिव अमित गोरखे, राजेश पांडे,सुधाकर भालेराव,पद्मश्री मिलिद कांबळे यांच्यासह विविध मान्यवर उपस्थित राहणार आहेत.

राजभवनातील राजशिष्टाचाराला अनुसरून सदर समारंभ संपन्न होणार असून त्यासाठी महाराष्ट्रातून ३०० समाजबांधवांना एकाच वेळेस राजभवनात प्रवेश देण्यात आलेला आहे.ही घटना स्वातंत्र्योत्तर काळामध्ये मातंग समाजाच्या इतिहासात पहिल्यांदाच घडत असल्याने तिचे सर्वत्र स्वागत होत आहे.