मुंबई विभाग माथेरान स्थानकावर ‘बिल्ट, ऑपरेट आणि ट्रान्सफर’ तत्त्वावर स्लीपिंग पॉड्स (पॉड हॉटेल) विकसित आणि चालविण्याची योजना तयार करत आहे
मुंबई, ०९/०९/२०२३: माथेरान येथे नवीन पॉड हॉटेल (स्लीपिंग पॉड्स) बांधण्यासाठी E-AUCTION द्वारे एक खुली ऑनलाइन निविदा प्रकाशित करण्यात आली आहे. सदर निविदा नॉन-फेअर रेव्हेन्यू (NFR) अर्निंग मॉडेल अंतर्गत असून दि. २५/९/२०२३ रोजी उघडली जाईल.
प्रस्तावित स्लीपिंग पॉड्स (पॉड हॉटेल) मध्ये सर्व आवश्यक आणि आधुनिक सुविधा असतील. परवानाधारक केवळ स्लीपिंग पॉड्सच्या (पॉड हॉटेल) वापरकर्त्यांना घरातून पेंट्री सेवा देऊ शकतो. सक्षम व्यक्तीच्या मान्यतेच्या अधीन राहून स्लीपिंग पॉड वापरकर्त्यांची सुविधा व्यवहार्यतेनुसार परवानाधारक लिफ्ट बांधू शकतो आणि वापरू शकतो.
परवानाधारकाला स्लीपिंग पॉड/स्विस कॉटेज तंबू किंवा इतर कोणत्याही प्रकारच्या तंबू खोल्या/घर किंवा कॉटेज विकसित करण्यास, यातील वापरकर्त्यांसाठी मार्गदर्शक सुविधा/ट्रेकिंग क्रियाकलापांची व्यवस्था करण्याची परवानगी आहे.
रेल्वे स्थानकावरील स्लीपिंग पॉड्सचा विकास आणि ऑपरेशनची जबाबदारी आणि त्यासाठीचा संपूर्ण खर्च परवाना धारकाद्वारे उचलला जाईल.
इमारत उभारण्याचा खर्च, स्लीपिंग पॉडशी संबंधित वस्तू, लॉकर आणि इतर आवश्यक सुविधा, साइटची सुरक्षा आणि मनुष्यबळ, ऑपरेशन, देखभाल, केबल टाकणे, फॅब्रिकेशन, वीज वापर शुल्क, वीज जमा, विद्युत जोडणी इ. आणि स्लीपिंग पॉड्ससाठी येणाऱ्या इतर आनुषंगिक खर्चासाठी गुंतवणूक परवानाधारक कंत्राटदाराने करणे यामध्ये अपेक्षित आहे.
स्थानाच्या आवश्यकतेनुसार परवानाधारक स्लीपिंग पॉड्स बांधतील. या उद्देशासाठी बिड स्टेटमेंटवर स्वाक्षरी केल्यापासून १५ दिवसांच्या आत परवानाधारक आवश्यक मंजुरीसाठी तपशीलवार लेआउट प्लॅन/जीएडी (सामान्य रेखाचित्र)
सक्षम अधिकाऱ्याकडे सादर करतील. यासाठी एकूण क्षेत्रफळ 758.77 चौरस मीटर आहे.
राखीव किंमत गोपनीय आहे आणि बाजार संभाव्यतेनुसार किंमत ठरवली जाईल.
दि. २५.९.२०२३ रोजी ठरलेल्या लिलावाच्या तारखेला E-AUCTION मॉड्यूलमध्ये बोली लावण्यासाठी बोलीदारांना रेल्वेच्या IREPS पोर्टलवर नोंदणी करावी लागेल. दि. २५.९.२०२३ रोजी लिलावाच्याच दिवशी निकाल आणि वाटपाचे पत्र (LOA) यशस्वी बोलीकर्त्याला ऑनलाइन घोषित केले जाईल.
ई-लिलाव ही व्यावसायिक उत्पन्नाच्या करार निविदांची एक नवीन ऑनलाइन प्रणाली आहे, ज्याद्वारे ३० ते ६० मिनिटांसाठी ऑनलाइन लिलाव केले जातात आणि त्याचे बोली वाटप निकाल आणि पत्र त्याच दिवशी ऑनलाइन जारी केले जातात.
